Vo Beete Pals!!

14Apr08

[Dedicated to all my friends, batchmates, juniors, senior, professors]

[Hostel 5, Batch of 2008, IIT Bombay]

Raah dekhi thi is din ki kabse,
aage ke sapne saja rakhe the naajane kab se

Bbade utavle the yahaan se jaane ko,
zindagi ka agla padaav paane ko.

Par naa jane kyon dil mein aaj kuch aur aata hai
waqt ko rokne ka jee chahta hai

Jin baton ko lekar rote the, aaj un par hansi aati hai
na jaane kyon aaj un pallon ki yaad bahut aati hai

Kaha karte the badi mushkil se char saal seh gaya
par aaj kyon lagta hai ki kuch peeche reh gaya

Na bhoolne wali kuch yaadein reh gayi

Meri taang ab kaun kheencha karega
sirf mera seer khane kaun mera peecha karega

[Civil Engineers, Batch of 2008, IIT Bombay]

Jahaan 2000 ka hisaab nahin wahaan 2 rupaye ke liye kaun ladega
kaun raat bhar saath jag kar padhega

Kaun meri gaadi mujse pooche bina lejayega
kaun mere naye naye naam banayega

Mein ab bina matlab kis se ladoonga
bina topic ke kisse faalto baat karoonga

[Anupam at Bell Tower, Purdue Univ, True Friend @ IIT B, Photograph By: Ashish Samdariya]

Kaun fail hone par dilasa dilayega
kaun galti se number aane par gaaliyaan sunayega

Sadak mein Beer kis ke saath piyoonga
wo haseen pal ab kis ke saath jiyoonga

Aise dost kahaan milenge
jo khayee mein bhi dhakka de aayein
par fir tumhein bachane, khud bhi kood jayein

Mere gaano se pareshaan kaun hoga
kabhi muje kisi ladki se baat karte dekh hairaan kaun hoga

Kaun kahega saale tere joke pe hansi nahin aai
kaun peeche se bula ke kahega..aage dekh bhai

Movies mein kiske saath dekhhonga
kis ke saath boring lectures jheloonga

Mere farzee certificates ko raddi kehne ki himmat kaun karega
bina dare sachi rai dene ki himmat kaun karega

Achanak bin matlab ke kisi ko bhi dekh kar paglon ki tarah hansna
na jaane ye fir kab hoga, keh do doston ye dobaara sab hoga

Doston ke liye professor se kab lad payenge
kya hum ye fir kar payenge

[My Wing: United Kingdom, Photographer: ??, Message me]

Raat ko 2 baje pohe khane aur ciggy pine station kaun jayega
tez gaadi chalane ki shart kaun lagayega

Kaun muje mere kabiliyat par bharosa dilayega
aur jyada hawa mein udne par zameen pe layega

Meri khushi mein sach mein khush kaun hoga
mere gam mein muj se jyada nam kaun hoga

Composed By: Deepak Gangle, IIT Bombay

Filed under: Uncategorized   |  2 Comments